Ölkelduvegur 10-16

Nágrennið

Gönguleiðir í skóla:  Þessi staðsetning er bara steinsnar frá grunnskóla, íþróttahúsi og sundlaug en leikskóli  og framhaldsskóli er um 600 m í burtu.

Umhverfisgæði:  Kirkjan, dvalarheimilið og íbúðir eldri borgara eru einnig rétt þarna við. Lóðirnar eru við bæjarjaðarinn, skammt frá skógræktarsvæði og reiðvegur liggur sunnan/ofan við svæðið, en hann nýta bæjarbúar einnig til útivistar. Þaðan eru líka skemmtilegar gönguleiðir ofan byggðar, frisbígolfkörfur og ölkelda í grenndinni. 
Stuttur spölur er í Grafargil sem er þröngt gljúfur með fallegum fossum. Þar og víðar í nágrenninu eru heimkynni huldufólks. Sjá hér umfjöllun um álfabyggð.
Brekkurnar Hærra og Lægra Hellnafell mynda ramma um svæðið og skapa hlýlegt umhverfi.
Steinatjarnartúnið/Paimpolgarðurinn liggur rétt norðan við lóðirnar. Í deiliskipulagi er stefnt að því að garðurinn verði skjólsæll, sólríkur, gróðurríkur og aðlaðandi sem íverusvæði til leikja, dvalar og útivistar allan ársins hring fyrir íbúa og gesti. Aðlaðandi votlendissvæði verði í hluta garðsins
Listaverkin Sýn eftir Steinunni Þórarinsdóttur, Veðurlistaverk Sólrúnar Halldórsdóttur, háhyrningur Unnsteins Guðmundssonar og steinarnir hans Listons eru öll í næsta nágrenni, sjá umfjöllun hér.

Skipulagsákvæði deiliskipulags

Lóðirnar eru innan nýs Deiliskipulags Ölkeldudals sem tók gildi í júlí 2025. Gert er ráð fyrir að byggingarmagn á hverri lóð sé 130 m2 og hámarkshæð húss 4,5 metrar, þ.e. 1 hæð.

Lögð er áhersla á að Paimpol garðurinn sé vel tengdur með stígum við aðkomusvæði við Hrannarstíginn, aðliggjandi útivistar-, íbúðar-, skóla- og íþróttasvæði, Fellaskjól og íbúðir fyrir aldraða. Einnig notkun gróðurs og gegndræps yfirborðs í tengslum við blágrænar ofanvatnslausnir, til fegrunar á umhverfinu, skjólmyndunar og til að viðhalda líffræðilegum fjölbreytileika.

Nánari upplýsingar í skipulagsgögnum.