Fellabrekka 1 

Nágrennið

Gönguleiðir í skóla: Leikskóli 500 m, grunnskóli 610 m og framhaldsskóli 300 m.
Umhverfisgæði: Lóðin er steinsnar frá Hönnubrekku, sem er opið grænt svæði, þar sem börn renna á snjóþotum og sleðum á veturna, og Hönnugili þar sem gera á aðlaðandi gönguleið sem tengir betur saman hverfi bæjarins (sjá bls. 66). Frá Fellabrekku 1 er einnig örstutt í skógræktarsvæðið og uppá reiðveg, sem einnig er vinsæll útivistarstígur íbúa og þaðan í gönguleiðir ofan byggðar. Auðvelt og stutt er að komast niður í fjöru með því að ganga niður Fagurhólstún og Sæból. 

Mögulegar húsagerðir

Lóðin hentar vel fyrir einbýlishús eða parhús á einni eða tveimur hæðum. Ekkert deiliskipulag er í gildi á svæðinu og í aðalskipulagi (reitur ÍB-3) eru húsagerðum ekki settar miklar skorður. Bygging þarf þó að vera í samræmi við byggðamynstur, þ.e. falla vel að aðliggjandi byggð, sem og að landslagi. Stuðst er að hluta við skipulags- og byggingarskilmála fyrir Hjaltalínsholt. 
Skilmálar aðalskipulags veita heimild til að auka byggingarmagn á óbyggðum lóðum þar sem það þykir henta, t.d. með því að leyfa aukaíbúðir þar sem stórar einbýlishúsalóðir eru.