Ölkelduvegur 17 a og b

Helstu stærðir

Flatarmál: 1161 m2

Lengd meðfram götu: xx m

Dýpt lóðar frá götu: 30 m

Almenn lýsing

Frábær lóð, steinsnar frá skóla- og íþróttasvæði. Lóðin er við rætur fjallshlíðar og býður því upp á fallegt útsýni. Hún liggur syðst í byggðinni, alveg í jaðri fallegrar náttúru og útivistarsvæðis ofan byggðar.
Lóðin er nokkuð flöt og aftari mörk eru um 2 metrum ofan við götuhæð. Lóðinni var breytt 2025, stækkuð og er nú gert ráð fyrir parhúsi, nr. 17a og 17b.

Nágrennið

Gönguleiðir í skóla: Leikskóli 670 m, grunnskóli/sundlaug/íþróttahús 230 m og framhaldsskóli 620 m.

Umhverfisgæði:
Kirkjan, dvalarheimilið og íbúðir eldri borgara eru sömuleiðis rétt hjá. Um 30 metrum sunnan við lóðina liggur malarvegur, nú reiðvegur, sem nýtist meðal annars til útivistar, og þaðan eru skemmtilegar gönguleiðir ofan byggðar. Skógræktarsvæði er rétt ofan og vestan við lóðina, frisbígolf og ölkelda í næsta nágrenni sem nýtur hverfisverndar.
Örstuttur spölur er í Grafargil sem er þröngt gljúfur með fallegum fossum. Þar og víðar í nágrenninu eru heimkynni huldufólks. Sjá hér umfjöllun um álfabyggð.
Brekkurnar Hærra og Lægra Hellnafell mynda ramma um svæðið og skapa hlýlegt umhverfi.
Steinatjarnartúnið/Paimpolgarðurinn liggur norðan við Ölkelduveg. Þar er stórt opið grænt svæði þar sem byrjað er að byggja upp fallegan og gróðurríkan garð með samspili við vatn.
Listaverkin Sýn eftir Steinunni Þórarinsdóttur, Veðurlistaverk Sólrúnar Halldórsdóttur, háhyrningur Unnsteins Guðmundssonar og steinarnir hans Listons eru öll í næsta nágrenni, sjá umfjöllun hér.

Mögulegar húsagerðir

Lóðin hentar fyrir parhús á einni eða tveimur hæðum. Lóðin er innan deiliskipulags fyrir Ölkeldudal og er gert ráð fyrir parhúsi á 1-2 hæðum. Sjá nánar um skilmála lóðarinnar í köflum deiliskipulagsins nr. 5 og 6, t.d. kafla 6.4. um húsagerðir.

Jarðvegsaðstæður

Svæðið er grasi gróið. Svæðið í kring er að hluta til nokkuð mýrlent en lóðin sjálf er þurr. Óska má eftir leyfi til að gera jarðvegsprufur til að kanna aðstæður.