Miðbæjarreitur

Nágrennið

Gönguleiðir í skóla: Leikskóli 250 m, grunnskóli 400 m og framhaldsskóli 200 m.

Umhverfisgæði: Helstu kostir svæðisins eru að stutt er í allar áttir, þar sem lóðirnar eru miðsvæðis í bænum.

Mögulegar húsagerðir

Lóðirnar gætu hentað vel fyrir fjölbýlishús með sameiningu tveggja eða fleiri lóða.
Í aðalskipulagi segir um reit ÍB-2 (miðsvæði) að nýbyggingar (endurbyggingar) þurfi að falla vel að einkennum og yfirbragði þeirrar byggðar sem fyrir er. 

Umfjöllun í aðalskipulagi

Reiturinn er þróunarreitur í Aðalskipulagi Grundarfjarðar 2019-2039 og þar kemur eftirfarandi fram:

"Þrjár samliggjandi auðar lóðir eru við Grundargötu, Hrannarstíg og Hamrahlíð. Vegna uppbyggingar til framtíðar og til að greiða fyrir þróunarmöguleikum miðbæjar er gert ráð fyrir forkaupsrétti bæjarins á fasteign á fjórðu lóðinni, við Grundargötu 31 [lóðin hefur síðar verið keypt]. Í deiliskipulagi verði gerðir byggingarreitir fyrir sambyggð hús eða hús sem standa þétt saman þannig að þau afmarki rými vel. Gert verði ráð fyrir að á norðvesturhorni reitsins (þar sem nú er víkingahús og bátur) verði verslun eða þjónusta en að mestu verði byggingarnar íbúðarhúsnæði á einni til tveimur hæðum. Möguleiki er á að hafa þjónustu á neðri hæð og íbúðir á efri hæð. Húsin verði hönnuð þannig að hægt sé að byggja þau á mismunandi tímum, nema þörfin sé metin þannig að hægt sé að byggja allt í einu. Þannig væri hægt að byrja með húsi á horni Hrannarstígs og Grundargötu og annað á horni Hamrahlíðar og Hrannarstígs en með tímanum myndi myndast heildstæð húsaröð."