Ölkelduvegur 10-16

Nágrennið

Gönguleiðir í skóla:  Staðsetning er bara steinsnar frá grunnskóla, tónlistarskóla, íþróttahúsi og sundlaug en leikskóli  og framhaldsskóli eru um 600 m í burtu.

Umhverfisgæði: Lóðirnar eru við bæjarjaðarinn, skammt frá skógræktarsvæði og reiðvegur liggur sunnan/ofan við svæðið, en hann nýta bæjarbúar einnig til útivistar. Þaðan eru líka skemmtilegar gönguleiðir ofan byggðar og frisbígolfsvæði.  
Stuttur spölur er í Grafargil sem er þröngt gljúfur með fallegum fossum. Þar og víðar í nágrenninu eru heimkynni huldufólks. Sjá hér umfjöllun um álfabyggð.
Brekkurnar Hærra og Lægra Hellnafell mynda ramma um svæðið og skapa hlýlegt umhverfi.
Steinatjarnartúnið/Paimpolgarðurinn liggur rétt norðan við lóðirnar. Í deiliskipulagi er stefnt að því að garðurinn verði skjólsæll, sólríkur, gróðurríkur og aðlaðandi sem íverusvæði til leikja, dvalar og útivistar allan ársins hring fyrir íbúa og gesti. Aðlaðandi votlendissvæði verði í hluta garðsins.
Listaverkin Sýn eftir Steinunni Þórarinsdóttur, Veðurlistaverk Sólrúnar Halldórsdóttur, háhyrningur Unnsteins Guðmundssonar og steinarnir hans Listons eru öll í næsta nágrenni, sjá umfjöllun hér.

Skipulagsákvæði deiliskipulags

Lóðirnar eru innan nýs Deiliskipulags Ölkeldudals sem tók gildi 2025. Gert er ráð fyrir að byggingarmagn á hverri lóð sé 130 m2 og hámarkshæð húss 4,5 metrar, þ.e. ein hæð.

Lögð er áhersla á að Paimpolgarðurinn sé vel tengdur með stígum við aðliggjandi útivistar-, íbúðar-, skóla- og íþróttasvæði, Fellaskjól og íbúðir fyrir aldraða. Lóðirnar liggja að Paimpolgarði og skal tryggja góðan frágang blágrænna ofanvatnslausna inní garðinn, í samráði við sveitarfélagið. Áhersla er á notkun gróðurs og gegndræps yfirborðs í tengslum við blágrænar ofanvatnslausnir, til fegrunar á umhverfinu og til skjólmyndunar.

Nánari upplýsingar í skipulagsgögnum.