Fellabrekka 7, 9, 11 og 13

Lóðir

Fellabrekka 7-9, stærð 15-30 x 37 m, samtals 1170 m2

Fellabrekka 11, stærð 18,3 x 30-38 m, 390 m2

Fellabrekka 13, stærð 12,3 x 29 m, 337,4 m2

Frekari gögn

Fellabrekka 7-9: Sjá hæðar- og lóðarblað (byggingarreitir eru leiðbeinandi).

Fellabrekka 11-13: Sjá hæðar- og lóðarblað (byggingarreitir eru leiðbeinandi).

Almenn lýsing

Fjórar samliggjandi lóðir með einstakt útsýni þar sem þær standa mun hærra en lóðirnar norðan við. Til norðurs er útsýni yfir fjörðinn að Kirkjufelli og Melrakkaey, til austurs að Klakki og Eyrarfjalli, til vesturs að Mýrarhyrnu og Helgrindum.
Hús eru einungis sunnan megin í götunni - ekki verður byggt norðan til í götunni. Lóðirnar standa í brekku en fremri hluti lóðanna hefur verið jafnaður þannig að stór hluti lóðanna er 0-2 metrum hærri en gatan. Um 10-15 metrum aftan við götuna er brött brekka sem myndar gott skjól. Aftari lóðarmörk eru 6 metrum hærri en þau fremri. Samspil landslags og húss getur boðið upp á áhugaverða möguleika.

Lóðunum má úthluta saman eða einstökum lóðum.

Nágrennið

Gönguleiðir í skóla: Leikskóli 650 m, grunnskóli 750 m og framhaldsskóli 450 m.

Umhverfisgæði:
Til vesturs og suðurs er örstutt í skógræktina og uppá reiðveg, sem einnig er vinsæll útivistarstígur íbúa og þaðan í gönguleiðir ofan byggðarinnar.
Ekki langt frá er Hönnubrekka, þar sem börn renna á snjóþotum og sleðum á veturna. Auðvelt og stutt er að komast niður í fjöru með því að ganga beint niður á Grundargötu eða eftir Fellabrekku, niður Fagurhólstún og Sæból.

Mögulegar húsagerðir

Lóðirnar henta vel fyrir einbýlishús, parhús eða fjölbýlishús á tveimur hæðum. Ekkert deiliskipulag er í gildi á svæðinu.
Byggingar þurfa að vera í samræmi við byggðamynstur, þ.e. falla vel að aðliggjandi byggð. Stuðst er að hluta við skipulags- og byggingarskilmála fyrir Hjaltalínsholt.
Í aðalskipulagi (reitur ÍB-3) eru húsagerðum ekki settar miklar skorður. Aðalskipulagsbreyting í júní 2025 heimilar byggingu allt að 8 íbúða á 4 lóðum saman, á 1-2 hæðum í fjölbýli eða sérbýli.
Skilmálar aðalskipulags veita heimild til að auka byggingarmagn á óbyggðum lóðum þar sem það þykir henta.