Hrannarstígur 42-46

Nágrennið

Gönguleiðir í nærþjónustu: Sundlaug og íþróttahús 390 m, heilsugæslustöðin og Kjörbúðin 550-600 m. 

Umhverfisgæði: Lóðirnar eru á skjólsælu svæði, rétt austan og neðan við Hjaltalínsholt. Stutt er í skógræktarsvæði og að reiðvegi, sem einnig er vinsæll útivistarstígur íbúa og þaðan í gönguleiðir ofan byggðar. Rétt vestan við lóðirnar rennur lækur eftir "Hönnugili" en þar er opið, grænt svæði sem á að gera að aðlaðandi gönguleið og aðstöðu til útivistar.
Paimpolgarðurinn liggur austan við svæðið. Þar er stórt opið grænt svæði þar sem byrjað er að byggja upp fallegan og gróðurríkan garð með samspili við vatn.
Listaverkin Sýn eftir Steinunni Þórarinsdóttur, Veðurlistaverk Sólrúnar Halldórsdóttur, háhyrningur Unnsteins Guðmundssonar og steinarnir hans Listons eru öll í næsta nágrenni, sjá umfjöllun hér.
Í næsta nágrenni eru þó nokkrir þekktir staðir þar sem finna má híbýli huldufólks. Sjá hér umfjöllun um álfabyggð.  

Mögulegar húsagerðir

• Heimilt er að reisa þrjú 100 fermetra raðhús á einni hæð með innbyggðum bílskúr.

• Þak skal vera mænisþak og þakhalli að lágmarki 14°.

• Hámarkshæð íbúðarhúsa er 4,0 m mælt frá gólfkóta aðkomuhæðar. 

Skipulagsákvæði deiliskipulags

Lóðirnar eru innan Deiliskipulags Ölkeldudals. 
Í deiliskipulaginu segir m.a. um lóðirnar:

• Íbúðir skulu vera fyrir 60 ára og eldri.

• Leggja skal áherslu á að byggingar falli vel að landi og aðliggjandi byggð. Gera skal ráð fyrir að húsin verði felld inn í hæðina (gröftur frekar en fylling) til að lágmarka skerðingu á útsýni eins og frekast er unnt. 

• Grundarfjarðarbær mun sjá um gatnagerð á aðkomuvegi að lóðunum, sem haldast mun í hendur við undirbúning byggingarframkvæmda.

• Vanda skal frágang á lóðarmörkum við Fellaskjól.