Miðbæjarreitur

Lýsing 

Þróunarreitur á besta stað í miðbæ Grundarfjarðar, í alfaraleið á Snæfellsnesi, við aðalgötu bæjarins og megingatnamót. 

Miðbæjarreiturinn er á miðsvæði (M-1) og er í dag heildstæð lóð, sem sameinuð var úr fjórum samliggjandi lóðum, Hamrahlíð 6 og 8 og Grundargötu 31 og 33, samtals um 2600 m2 að flatarmáli. Á einni þessara fyrrverandi lóða stendur fasteign í eigu bæjarins, sem keypt var af skipulagsástæðum og er hún ætluð til niðurrifs. Annars er svæðið autt, en er nýtt með tímabundnum stöðuleyfum, sem "svæði í biðstöðu".

Stefna aðalskipulags og undirbúningur

Í Aðalskipulagi Grundarfjarðar 2019-2039 var mörkuð stefna um að skapa heildstæðari og þéttari byggð í miðbæ Grundarfjarðar þar sem verslun og þjónusta er í göngufæri og grunnkerfi eru vel nýtt. 

Á árinu 2024 var sóst eftir hluta lóðanna, en bæjarstjórn samþykkti að lóðunum fjórum yrði einungis úthlutað sameiginlega, sem miðbæjarreit til þróunar og uppbyggingar.

Í byrjun árs 2025 unnu skipulags- og umhverfisnefnd og bæjarstjórn Grundarfjarðarbæjar að því að skýra forsendur fyrir uppbyggingu á miðbæjarreit og undirbúa útboð á byggingarrétti fyrir reitinn. 

Aðalskipulag Grundarfjarðar gerir ráð fyrir blandaðri starfsemi; kjarna miðbæjar, með verslun og þjónustu og íbúðum,
og vönduðum almenningsrýmum. Unnin var breyting á aðalskipulagi 2025 (sjá staðfestingu hér) og jafnframt auglýst skipulagslýsing deiliskipulags á reitnum. 

Útboð byggingarréttar fór fram, tilboð barst en lauk ekki með samningsgerð í þetta skiptið. 

Bæjarstjórn mun leita tækifæra til uppbyggingar í samræmi við stefnu þá sem mörkuð er í aðalskipulagi, samþykktar forsendur 2025 og lýsingu deiliskipulags. Upplýsingar gefur bæjarstjóri.